«Բարսելոնայի» գլխավոր մարզիչ Հանս-Դիտեր Ֆլիկը մեկնաբանել է պաշտպան Ժյուլ Կունդեի ուշ ժամանումը Պրիմերայի 24-րդ տուրի՝ «Ռայո Վալեկանոյի» դեմ խաղի նախախաղային մարզմանը։
Այս պատճառով ֆուտբոլիստը չի ընդգրկվել կատալոնացիների մեկնարկային կազմում։
«Հանդիպումից առաջ ինձ համար կարևոր է, որ բոլորն իմանան իրենց առաջադրանքները խաղադաշտում։ Մենք սովորաբար երկու կամ երեք մարզում ենք ունենում հանդիպումից առաջ, ուստի մի փոքր շուտ ժամանելը խնդիր չի լինի: Ես պատրաստվում եմ դա քննարկել Կունդեի հետ: Նա ավելի ուշ եկավ, և մենք խիստ կանոններ ունենք։ Ես նրան պահեստայինների նստարանին թողնելու որոշում եմ կայացրել՝ ի նշան հարգանքի ֆուտբոլիստների, ակումբի ու մեր երկրպագուների հանդեպ»,- Ֆլիկի խոսքերն է մեջբերում AS-ը։
Ընթացիկ մրցաշրջանում պաշտպանը բոլոր մրցաշարերում մասնակցել է 37 հանդիպման, որոնցում դարձել է երեք գոլի և 7 գոլային փոխանցման հեղինակ։
