Պեպ Գվարդիոլան նեղացած չէ Մադրիդի «Ռեալից»՝ «Ոսկե գնդակի» հանձնման արարողությունը բոյկոտելու համար։
«Մանչեսթեր Սիթիի» կիսապաշտպան Ռոդրին արժանացել է France Football-ի տարվա լավագույն ֆուտբոլիստի մրցանակին։ Մադրիդյան ակումբի ներկայացուցիչները բոյկոտել են միջոցառումը՝ իմանալով, որ Վինիսիուս Ժունիորը չի լինելու մրցանակի դափնեկիրը։
«Բացարձակապես նեղացած չեմ։ Վինիսիուսը նույնպես հիանալի մրցաշրջան անցկացրեց, ինչպես Ռոդրին: Նա արժանի էր մրցանակի։ Դա նման է անցյալի ժամանակներին, երբ Մեսսին և Կրիշտիանու մրցակցում էին: Այդ դրվագն անցյալում է։
Ես ուրախ եմ Ռոդրիի համար։ Ես այնտեղ էի, նրա հետ տոնեցի, շատ ուրախ էի նրա համար։ Ես ժամանակս չկորցրի՝ մտածելով «Ռեալի» բոյկոտի մասին»,- ասել է իսպանացի մասնագետը նախախաղային մամուլի ասուլիսի ժամանակ։ Ակումբները կհանդիպեն փլեյ-օֆֆում՝ Չեմպիոնների լիգայի 1/8 եզրափակիչ դուրս գալու իրավունքի համար։ Առաջին հանդիպումը կկայանա վաղը «Էթիհադ» մարզադաշտում։
