«Մանչեսթեր Սիթիի» գլխավոր մարզիչ Պեպ Գվարդիոլան Չեմպիոնների լիգայի խաղարկության լիգայի փուլի 3-րդ տուրի «Սպարտայի» հետ հանդիպումից առաջ խոսել է կիսապաշտպան Կևին դե Բրույնեի մարզավիճակի մասին, որը սեպտեմբերի 18-ից չի խաղադաշտ դուրս չի եկել։
33-ամյա ֆուտբոլիստը վնասվածք է ստացել Չեմպիոնների լիգայի 1-ին տուրի «Ինտերի» հետ խաղում (0:0) և հավանաբար դեռ լիովին պատրաստ չէ առաջիկա հանդիպմանը։
«Չեմ կարող ասել, թե որքան ժամանակով նրանից կպահանջվի ամողջովին վերադառնալու համար։ Խնդիրն այնքան էլ լուրջ չէ, բայց նա իրեն լիովին լավ չի զգում, իսկ Քևինն արդեն 22 տարեկան չէ, նա պետք է մարզավիճակում լինի, եթե ուզում է խաղալ։ Նա պետք է հիանալի մարզավիճակում լինի, բայց այս պահին իրեն ընդհանրապես հարմարավետ չի զգում։ Այնպես որ, եթե խաղացողը անհարմարություն է զգում, պետք չէ շտապել»,- Գվարդիոլայի խոսքերն է մեջբերում City Xtra-ն։
Նշենք, որ «Մանչեսթեչ Սիթի»-«Սպարտա» հանդիպումը կկայանա հոկտեմբերի 23-ին Մանչեսթերում և կմեկնարկի Երևանի ժամանակով 23:00-ին:
