Լոնդոնի «Տոտենհեմի» եզրային խաղացող Պեդրո Պորրոն պատասխանել է Մադրիդի «Ռեալից» իր անձի նկատմամբ հետաքրքրության մասին լուրերին։
«Իհարկե, ես հպարտ եմ այս խոսակցություններով, քանի որ դրանց առկայությունը նշանակում է, որ ես ամեն ինչ ճիշտ եմ անում։ Եթե մի օր «Ռեալ» տեղափոխությունը տեղի ունենա, դուք կիմանաք այդ մասին։ Իսկ հիմա ես ամբողջությամբ կենտրոնացած եմ իմ ներկայիս ակումբի՝ «Տոտենհեմի» վրա»,- Պորրոյի խոսքերը սոցիալական ցանցերում մեջբերում է լրագրող Ֆաբրիցիո Ռոմանոն։
Ավելի վաղ իսպանական ԶԼՄ-ներում տեղեկություն էր հայտնվել, որ Մադրիդի «Ռեալը» ակտիվորեն նոր աջ պաշտպան է փնտրում՝ վնասվածք ստացած Դանիել Կարվախալին փոխարինելու համար։ Մադրիդյան թիմի տարբերակներից մեկը Պեդրո Պորրոն է։
