«Բարսելոնայի» գլխավոր մարզիչ Չավին կիսվել է ՊՍԺ-ի մարզիչ Լուիս Էնրիկեի մասին իր կարծիքով։ Այսօր՝ ապրիլի 10-ին, նրանց թիմերը Փարիզի «Պարկ դե Պրենս» մարզադաշտում կանցկացնեն 2023/2024 թվականների Չեմպիոնների լիգայի 1/4 եզրափակիչի առաջին հանդիպումը։
«Լուիս Էնրիկեն լավագույն մարզիչներից մեկն է, որը ես ունեցել եմ իմ կարիերայում, հիանալի մարդ, հիանալի մարզիչ: Լուիսը խրախուսում է խաղացողներին առաջադիմել: Նա ամեն ինչ հաղթեց «Բարսելոնայում», իսկ ես այդ ժամանակ այնտեղ ավագ էի։ Իսկապես լավ հիշողություններ կան, ուստի ես մեծ հարգանքով եմ վերաբերվում նրան:
Ես լավ հարաբերություններ ունեմ նրա հետ, ոչ միայն նրա, այլև ողջ անձնակազմի հետ։ Այնպես որ, շատ ուրախ եմ հանդիպել նրա հետ: Ափսոս, սա եզրափակիչը չէ: Փարիզցիներն ունեն լավ խաղացողներ, լավ կազմ: Կարծում եմ՝ Լուիս Էնրիկեն շատ է բարելավել նրանց խաղը։ Մեզ համար շատ դժվար է լինելու։
Այո, սա մեր ակումբի համար մրցաշրջանի ամենակարևոր խաղերից մեկն է։ Մենք իսկապես մոտիվացված ենք խաղալ ՊՍԺ-ի դեմ, իմ կարծիքով Եվրոպայի լավագույն թիմի, ինչպես նաև Լուիս Էնրիկեի՝ աշխարհի լավագույն մարզիչներից մեկի դեմ»,- Չավիի խոսքերն է մեջբերում Eurosport-ը:
