Ալեքսանդր Գրիգորյանը պաշտոնապես նշանակվել է «Կուբանի» գլխավոր մարզիչ։ Կողմերը պայմանագիր են կնքել մինչև ընթացիկ մրցաշրջանի ավարտը, հայտնում է ակումբի կայքը։
Գրիգորյանը ժամանակին գլխավորել է «Լուչ-Էներգիան» և հաղթանակ տարել ՖԱԼ-ի գավաթում։
«Տամբովի» հետ նա նվաճել է ՌՊԼ-ի ուղեգիր, իսկ «Ալաշկերտի» հետ դարձել է Հայաստանի չեմպիոն: Կանանց ֆուտբոլում նա չորս անգամ դարձել է Ռուսաստանի չեմպիոն։
56-ամյա մասնագետի վերջին ակումբը եղել է ԲԿՄԱ-ի կանանց թիմը, որտեղից նա հեռացել է 2022 թվականի հոկտեմբերին։
«Կուբանը» Առաջին լիգայի ընթացիկ մրցաշրջանի մրցաշարային աաղյուսակում զբաղեցնում է 15-րդ տեղը։ Թիմը 31 տուրի արդյունքում վաստակել է 33 միավոր։ Մրցաշարի վերջին հինգ հանդիպումներում թիմը կրել է երկու պարտություն և երեք անգամ ոչ-ոքի խաղացել։
