«Մանչեսթեր Յունայթեդի» պաշտպան Քրիս Սմոլինգը, որը վարձակալությամբ հանդես է գալիս «Ռոմայում», մեկնաբանել է մշտական հիմունքներով իտալական թիմ իր տեղափոխության հավանականությունը:
Սմոլինգի պայմանագիրը «Մանչեսթեր Յունայթեդի» հետ նախատեսված է մինչև 2022 թվականը, և ակումբն այն ևս մեկ տարով երկարաձգելու հնարավորություն ունի, բայց անգլիացին դիտարկում է մշտական հիմունքներով «Ռոմա» տեղափոխվելու տարբերակը:
«Իտալիան նոր երկիր ու նոր փորձ է ինձ համար: Բայց ես շատ արագ ներգրավվեցի թիմում, երկրպագուներն իրենց սերն ու աջակցությունը ցուցաբերեցին ինձ, այդ իսկ պատճառով ես հետաքրքիր որոշում պետք է կայացնեմ: Տեսնենք` ինչ կլինի մրցաշրջանի վերջում:
Խոսել ենք Սուլշերի հետ, ու ես ասել եմ, որ սովոր եմ խաղալ գրեթե ամեն խաղում, երբ լավ մարզավիճակում եմ գտնվում ու առանց վնասվածքների: Այդ իսկ պատճառով, երբ իմ ժամանակը կարող էր երկու անգամ կրճատվել, եղած տարբերակների մեջ չկար ավելի լավը, քան «Ռոման»: Մենք այդ մասին բաց խոսեցինք ու կարողացանք հասնել ցանկալի արդյունքի` երկու կողմերի համար»,- Սմոլինգի խոսքերն է փոխանցում Sky Sports-ը:
Հիշեցնենք` «Ռոմայի» գլխավոր մարզիչ Պաուլո Ֆոնսեկան ավելի վաղ հայտարարել էր, որ իրենք մտադիր են մշտական պայմանագրեր կնքել Սմոլինգի և Հայաստանի հավաքականի ավագ Հենրիխ Մխիթարյանի հետ, որի տրանսֆերային իրավունքերը պատկանում են «Արսենալին»:
