Կարեն Դեմիրճյանի անվան մարզահամերգային համալիրում ավարտվել է հունահռոմեական ոճի ըմբշամարտի Հայաստանի առաջնությունը, որին 67 ըմբիշ է մասնակցել:
10 քաշային կարգերում Հայաստանի չեմպիոնի կոչումները նվաճել են Նորայր Հախոյանը (55 կգ), Գևորգ Ղարիբյանը (60 կգ), Հրաչյա Պողոսյանը (63 կգ), Սլավիկ Գալստյանը (67 կգ), Շանթ Խաչատրյանը (72 կգ), Մալխաս Ամոյանը (77 կգ), Գագիկ Հակոբյանը (82 կգ), Գևորգ Թադևոսյանը (87 կգ), Հայկ Խլոյանը (97 կգ) և գերծանր քաշային Դավիթ Օվասափյանը:
Նշենք՝ 82 կգ քաշային կարգի եզրափակչում Կարապետ Չալյանը վնասվածքի պատճառով հրաժարվել է պայքարից և հաղթանակը շնորհվել է Գագիկ Հակոբյանին:
Հունահռոմեական ոճի ըմբշամարտի Հայաստանի առաջնությունը բաց է թողել Արթուր Ալեքսանյանը: Հիվանդության պատճառով առաջնությանը չեն մասնակցել նաև Ռուդիկ Մկրտչյանն ու Տիգրան Մինասյանը: