Աղբյուր․ Հայտնի է՝ երբ կհայտարարվի Ռամոսի, Հաքիմիի ու Դոնարումայի՝ ՊՍԺ-ին միանալու մասին

Արդեն այս ամիս կհայտարարցի Սերխիո Ռամոսի, Աշրաֆ Հաքիմիի և Ջանլուիջի Դոնարումայի՝ ՊՍԺ տեղափոխության մասին։ Այս մասին գրում է հեղինակավոր լրագրող Ֆաբրիցիո Ռոմանոն։

Աղբյուրի փոխանցմամբ՝ Ռամոսի բուժզննման օրն արդեն պլանավորած է և նա պատրաստվում է մինչև 2023 թվականի հունիս նախատեսված պայմանագիր կնքել ՊՍԺ-ի հետ։ Հաքիմին արդեն կնքել է պայմանագիր։ Այն նախատեսված է մինչև 2026 թվական։ Դոնարումայի պայմանագիրը ևս կնքված է՝ մինչև 2026-ի հունիս։

Timing will be confirmed soon. Sergio Ramos, Achraf Hakimi and Gianluigi Donnarumma will be announced this month as new Paris Saint-Germain players. 🇫🇷 #PSG

Ramos, medicals scheduled and set to sign until June 2023.
Hakimi, signed until 2026.
Donnarumma, signed until June 2026. https://t.co/MS6xjoFcz9

— Fabrizio Romano (@FabrizioRomano) July 4, 2021

Հիշեցնենք, որ Սերխիո Ռամոսն այս ամառ ազատ խաղացողի կարգավիճակով հեռացավ «Ռեալից»։ Նա ակումբում 16 տարի էր անցկացրել։

Ավելի վաղ «Ինտերի» գլխավոր տնօրեն Բեպե Մարոտան հաստատել էր, որ պաշտպան Աշրաֆ Հաքիմին տեղափոխվում է ՊՍԺ։

Իսկ Ջանլուիջի Դոնարուման ֆրանսիական թիմի շարքերը կհամալրի ազատ խաղացողի կարգավիճակով, քանի որ նրա պայմանագրի ժամկետը իտալական «Միլանի» հետ ավարտվում է։