Եվրոպական ֆուտբոլային միությունը (ՈՒԵՖԱ) երկրպագուներին առաջարկում է ընտրել Եվրոպայի առաջնության 1/8 եզրափակչի ամենագեղեցիկ գոլը: Չորս գոլերի տեսանյութը տեղադրվել է Եվրոպայի առաջնության Instagram-ի էջում:
Լավագույն քառյակում են Կարիմ Բենզեմայի գոլը Ֆրանսիա — Շվեյցարիա խաղում, Ալվարո Մորատայի գոլը Խորվաթիայի և Իսպանիայի դիմակայությունում, Պոլ Պոգբայի արդյունավետ հարվածը շվեյցարացիների հետ հանդիպմանը, ինչպես նաև Տորգան Ազարի գոլը Բելգիա — Պորտուգալիա խաղում:
