Երեք տարի առաջ Սարգիս Ադամյանը խաղում էր գերմանական չորրորդ դիվիզիոնում և մտածում էր, թե ինչպես ավարտի ֆուտբոլիստի կարիերան: Բարեբախտաբար, դա տեղի չունեցավ: Այժմ հարձակվողը Բունդեսլիգայում տարվա գլխավոր բացահայտումն է: «Հոֆենհայմում» Ադամյանը հիանալի է. դուբլ ՝ «Բավարիայի» դեմ խաղում, գոլ + փոխանցում «Քյոլնի» և Դորտմունդի «Բորուսիայի» հետ խաղերում…
Sport24- ի թղթակից Արարատ Մամբրեյանը խոսել է գհերմանական ակումբի և Հայաստանի հավաքականի աստղի հետ նրա մանկության և հաջողության ուղու մասին:
«Ես ծնվել եմ 1993 թվականին Երևանում, Կոմիտասում», — հիշում է Սարգիս Ադամյանը: Մանկության տարիներին Ադամյանը իր տատիկի և պապիկի հետ միասին ապրում էր նույն տանը: Ընտանիքում ամենաերիտասարդը նա էր: Սարգիսը նաև երեք քույր ունի: Հինգ տարի անց նրա պապիկը որոշել է ընտանիքով տեղափոխվել Գերմանիա:
«Հայաստանը հավիտյան գտնվում է իմ սրտում, ես ուզում եմ վերադառնալ: Ինձ դաստիարակել են հայեցի. ես չեմ մոռանա այն երեկոները, երբ տներում լույսերն անջատված էին, և մենք բոլորս մոմերի շուրջ նստում էինք ՝ ջերմորեն շփվելով: Դժվար էր, բայց հարմարավետ, և շատ ավելի հետաքրքիր, քան հիմա: Ինչպես ասում են, ներկայիս երիտասարդությունը չի կարող հասկանալ»,- պատմում է Ադամյանը:
11 տարեկանում նա սկսել է խաղալ Գերմանիայի մանկապատանեկան թիմերում: Լեզվի հետ կապված խնդիրների Ադամյանը չի բախվել, նա գերմաներեն է սովորել տեղափոխվելուց անմիջապես հետո: 3 տարի անց Սարգիսը ավարտել է Ռոստոկ քաղաքի ինտերնատ-դպրոցը: Մինչև 19 տարեկան նա ապրում էր այնտեղ և դեռ մինչ այժմ շփվում է Ռոստոկի ինտերնատ երեխաների հետ, նրանք միշտ կապի մեջ են::
«Դժվար էր, բայց ծնողներս ինձ հասկանում էին նույնիսկ այն ժամանակ, երբ ես խաղում էի Գերմանիայի չորրորդ լիգայում»,- ասում է Ադամյանը:
Չորրորդ լիգայից մինչև Բունդեսլիգա
Երբ Ադամյանը խաղում էր այնտեղ 24 տարեկան հասակում, ամենադժվար ժամանակահատվածն այն էր, երբ իր պայմանագիրը«Հանզայի» հետ չերկարաձգվեց: Նա մնաց առանց ակումբի և մարզվում էր երկրորդ կազմի հետ վեց ամիս: Սակայն նա անցավ այդ «քննությունը»: Արդյունքում նա ստացավ առաջարկ «Նոյշտրելիցից» և օգտվեց այդ հնարավորությունից: Այնտեղ, ինչպես «Շտայնբախում», նա յուրաքանչյուր մրցաշրջանում խփեց գրեթե 20 գոլ:
Հետագայում, համագործակցելով պրոֆեսիոնալ գործակալի հետ, Ադամյանը հայտնվում է 2-րդ Բունդեսլիգայում՝ «Ռեգենսբուրգում»: «Շատ բան կախված է հենց ֆուտբոլիստից, սակայն լավ գործակալը ևս նպաստում է հաջողությանը»,- նշում է Սարգիսը:
Ադամյանի խոսքերով, նա պատրաստ էր նոր մարտահրավերների, այդ պատճառով էլ, գիտակցելով, որ Բունդեսլիգայում լրիվ այլ արագություն է, լիովին այլ բարձր մակարդակ, նա ցանկանում է փորձել ուժերը՝ պայմանագիր կնքելով «Հոֆենհայմի» հետ:
Հայաստանի հավաքականի մասին
Լրագրողի հարցին, թե արդյոք Ադամյանը երբեք չի մտածել Գերմանիայի հավաքականի կազմում խաղալու մասին, Հայաստանի հավաքականի ֆուտբոլիստը պատասխանել է. «Մանկուց ի վեր ես հասկանում էի, որ ուզում եմ խաղալ միայն Հայաստանի ազգային հավաքականի կազմում, իմ հայրենիքը այնտեղ է: Ես անհամբերությամբ սպասում էի զանգին, միշտ ուրախ էի խաղալ հայրենիքիս համար: Դա իմ երազանքն էր»: Նա ավելացնում է, որ ինչպես Բունդեսլիգա տեղափոխվելը, այնպես էլ Հայաստանի հավաքականի կազմում հանդես գալն իր համար աներևակայելի էր։
Ֆուտբոլիստը նշում է նաև, որ մինչ այժմ, բարեբախտաբար, իր համար ամեն ինչ լավ է ստացվում: Բայց եթե անհրաժեշտ լինի, նա վստահ է, որ Հենրիխ Մխիթարյանը կօգնի նրան ցանկացած պահի: «Նա շատ լավ տղա է և իսկական ավագ, նա շատ կարևոր է թիմի համար: Մխիթարյանը Հայաստանի հպարտությունն է»,- ավելացնում է ֆուտբոլիստը:
ՌՊԼ-ի և Ռուսաստանի մասին
«Ռուսաստանի մասին ես չեմ կարող շատ բան ասել: Գիտեմ, որ սա մեծ պատմություն ունեցող մեծ երկիր է, որտեղ վերջերս կայացավ Ֆուտբոլի Աշխարհի հոյակապ առաջնությունը»,- ասում է Ադամյանը: Հետո նա հավելում է, որ հետևում է «Ուրալի» խաղերին՝ փորձելով բաց չթողնել Հարոյանի մասնակցությամբ հանդիպումները:
Ըստ Ադամյանի ՌՊԼ-ն ուժեղ լիգա է, որի ակումբները պարբերաբար խաղում են եվրոպական մրցումներում․ «Այնտեղ կան շատ հիանալի խաղացողներ. Գերմանիայում բոլորը գիտեն Տեդեսկոին, Շուրլեինև Հովյեդեսին»: Իսկ մի անգամ էլ Ադամյանն առիթ է ունեցել խաղալ Կրասնոդարում՝ Ռուսաստանի հավաքականի դեմ խաղում, որտող խաղադաշտ է մտել՝ փոխարինելով Յուրա Մովսիսյանին:
Ամանորին ընդառաջ նոր ծրագրերի մասին խոսելիս Ադամյանը նկատում է․ «Հաճելի է, իհարկե, երբ քո մասին խոսում է ֆուտբոլային աշխարհը։ Ինք, սակայն, երբեք խնդիր չեմ դրել սուպերպոպուլյար լինել կամ, օրինակ, մրցաշրջանի ընթացքում ինչ-որ գոլեր խփել: Փորձում եմ խաղից խաղ առաջ գնալ»։
