Օգոստոսի 1-ին՝ ՀՖՖ գրասենյակում կայացավ Հայաստանի Բարձրագույն և Առաջին խմբերի 2020/2021 մրցաշրջանի վիճակահանությունը:
ՀՖՖ պաշտոնական կայքը հայտնում է, որ որպես երկու մրցաշարերի մեկնարկի օր՝ նշվում է օգոստոսի 14-ը, սակայն, կախված կորոնավիրուսի համաճարակի հետագա դրսևորումներից, ինչպես նաև հեռարձակման հետ կապված տարբեր հանգամանքներից, հնարավոր են փոփոխություններ:
Բարձրագույն խմբում առաջին տուրում կմրցեն հետևյալ զույգերը՝
«Ալաշկերտ»-«Արարատ-Արմենիա»
«Նոա»-«Շիրակ»
«Արարատ»-«Փյունիկ»
«Ուրարտու»-«Լոռի»
«Վան»-«Գանձասար-Կապան»
Զույգերում առաջինը նշված թիմերը հանդիպումները կանցկացնեն սեփական հարկի տակ
Առաջին խմբում առաջին տուրում կմրցեն հետևյալ զույգերը՝
«Սևան»-«Ուրարտու-2»
«Շիրակ-2»-«Լեռնային Արցախ»
«Արարատ-Արմենիա-2»-«Վեստ Արմենիա»
«Նորավանք»-ԲԿՄԱ
«Ալաշկերտ-2»-«Արարատ-2»
Զույգերում առաջինը նշված թիմերը հանդիպումները կանցկացնեն սեփական հարկի տակ: Քանի որ Առաջին խմբի առաջնությանը մասնակցում են 11 թիմեր, «Փյունիկ-2»-ը բաց կթողնի առաջին տուրը:
Ինչպես Բարձրագույն, այնպես էլ Առաջին խմբերի ամբողջական խաղացանկը հայտնի կդառնա ավելի ուշ, իսկ յուրաքանչյուր տուրի ճշգրիտ և վերջնական խաղացանկերը կհրապարակվեն յուրաքանչյու տուրից 14 օր առաջ, հայտնում է ՀՖՖ պաշտոնական կայքը:
