«Բավարիան» հաղթանակ է տարել բրազիլական «Ֆլամենգոյի» նկատմամբ Աշխարհի ակումբային առաջնության 1/8 եզրափակիչում, որն անցկացվում է ԱՄՆ-ում։
Մայամիում կայացած խաղն ավարտվել է մյունխենյան ակումբի հաղթանակով՝ 4:2։ «Բավարիայի» կազմում դուբլ է ձևակերպել Հարի Քեյնը (9-րդ և 73-րդ րոպեներ), մեկ գոլ խփել է Լեոն Գորեցկան (41-րդ րոպե), իսկ ևս մեկ գնդակ սեփական դարպասն է ուղարկել «Ֆլամենգոյի» խաղացող Էրիկ Պուլգարը (6-րդ րոպե)։ Բրազիլական թիմի կազմում աչքի են ընկել Ժերսոնը (33-րդ րոպե) և Ժորժինյոն (54-րդ րոպե, 11-մետրանոց)։
Քառորդ եզրափակիչում «Բավարիան» հուլիսի 5-ին Ատլանտայում կմրցի ՊՍԺ-ի հետ։
