«Չելսիի» գլխավոր մարզիչ Էնցո Մարեսկան ԱՄՆ-ում անցկացվող Աշխարհի ակումբային առաջնությունում խաղերի՝ եղանակային պայմանների պատճառով դադարեցման որոշումը ծաղրանք է անվանել։
«Չելսին» 1/8 եզրափակիչում լրացուցիչ ժամանակում 4:1 հաշվով հաղթել է «Բենֆիկային»։ Խաղը 86-րդ րոպեին ընդմիջվել էր գրեթե երկու ժամով՝ վատ եղանակի պատճառով։
«Մենք լիովին վերահսկում էինք խաղը և բավականաչափ գոլային պահեր ստեղծել հաղթանակի համար։ Սակայն ընդմիջումից հետո ամեն ինչ փոխվեց։ Անձամբ ես կարծում եմ, որ սա այլևս ֆուտբոլ չէ։ Սա արդեն յոթերորդ, ութերորդ կամ իններորդ խաղն է, որ ընդհատվում է։ Կարծում եմ՝ սա ծաղրանք է։
Չգիտեմ, թե ինչպես բացատրել դա։ Եթե խաղն ընդհատվում է անվտանգության նկատառումներից ելնելով, ապա այն պետք է ամբողջությամբ տեղափոխվի մեկ այլ օր։ Բայց եթե յոթ-ութ խաղ է այսպես ընդհատվում, գուցե ԱՄՆ-ը պարզապես հարմար վայր չէ այս մրցաշարի համար», — ESPN-ի փոխանցմամբ՝ ասել է Մարեսկան։
Քառորդ եզրափակչում «Չելսին» կմրցի բրազիլական «Պալմեյրասի» հետ։
