Անտուն տղամարդը ներթափանցել է բրազիլական «Ֆլումինենսե» ակումբի պաշտպան Իգնասիոյի հյուրանոցի սենյակ Կոլումբիա քաղաքում (Հարավային Կարոլինա, ԱՄՆ): Այս մասին հայտնում է Globo Esporte պարբերականը։
Տղամարդը շրջանցել է անվտանգության ծառայությունը և մուտք գործել ֆուտբոլիստի սենյակ: Նրան հայտնաբերել են անվտանգության աշխատակիցները, երբ Իգնասիոն չի կարողացել բացել սենյակի դուռը և դիմել է հյուրանոցի աշխատակիցներին: Նշվում է, որ տղամարդը ոչինչ չի գողացել և ոչինչ չի վնասել։
«Ֆլումինենսեն» հունիսի 25-ին կմրցի «Մամելոդի Սանդաունսի» հետ Աշխարհի ակումբային առաջնության խմբային փուլում՝ Ֆլորիդայի Մայամի Գարդենս քաղաքում։
