«Բարսելոնայի» սպորտային տնօրեն Դեկուն մեկնաբանել է դարպասապահ Ժոան Գարսիայի պայմանագրի կնքումից հետո Մարկ-Անդրե տեր Շտեգենի ապագայի հնարավոր փոփոխությունները։
– Արդյո՞ք Ժոան Գարսիայի պայմանագրի կնքումը նշանակում է, որ շուտով զրույց է սպասվում տեր Շտեգենի հետ։
– Ինձ պետք չէ նրա հետ զրուցել։ Իմ պարտականությունն է մարզչին հնարավորինս որակյալ կազմ ապահովել։ Դա իմ իրավասության հարցը չէ։ Բացի այդ, չկա պայմանագիր, որում նշված լինի, որ որևէ ֆուտբոլիստ պարտադիր պետք է խաղա։ Այդ պահից սկսած՝ որոշումը կայացնում է մարզիչը, սակայն յուրաքանչյուր խաղացող ունի իր ամբիցիաները։
– Եթե տեր Շտեգենը ցանկանա հեռանալ, «Բարսելոնան» կդժվարացնի՞ նրա հեռանալը։
– Երբ ֆուտբոլիստը իսկապես ցանկանում է հեռանալ, նրան կանգնեցնելը շատ բարդ է։ Սակայն ներկայումս այդ թեման քննարկման առարկա չէ։ Մենք որոշում ենք կայացրել հրավիրել երիտասարդ դարպասապահի։ Նա կարող է սկսել խաղալ վաղը, նստել պահեստայինների նստարանին կամ խաղալ մեկ-երկու տարի անց։ Մենք որոշակի ակնկալիքներ ունենք Ժոանից, որոնք պետք է արդարացվեն հետագայում։ Այստեղ եկած յուրաքանչյուր ֆուտբոլիստ սկսում է զրոյից, և ոչ ոք առավելություն չունի մյուսների նկատմամբ։ Ես մեծ հարգանք ունեմ Մարկի նկատմամբ, բայց Ժոանին հրավիրելով՝ մենք որոշում ենք կայացրել թե՛ ներկայի, թե՛ ապագայի համար։ Այժմ որոշումը մարզչինն է, – ասել է Դեկուն La Vanguardia-ին տված հարցազրույցում։
