Մադրիդի «Ռեալի» նախկին կիսապաշտպան Գուտին կիսվել է իր կարծիքով «Ոսկե գնդակի» վերաբերյալ՝ ընդգծելով, որ մրցանակին արժանանալու չափանիշները միշտ չէ, որ հստակ են։
«Ինձ այս մրցանակը այդքան էլ դուր չի գալիս։ Չգիտեմ՝ ինչի հիման վրա են այն շնորհում։ Երբեմն տիտղոսները հաշվի են առնում, երբեմն՝ ոչ։ Այն պետք է հիմնված լինի վիճակագրության, գոլերի, կարևոր պահերի վրա։
Եթե նայենք մրցաշրջանին՝ գուցե Դեմբելեն։ Բայց անկեղծ ասած, կարծում եմ՝ կան ավելի լավ խաղացողներ»,- ասել է Գուտին։
Հիշեցնենք, որ 2025 թվականի «Ոսկե գնդակի» թեկնածուների պաշտոնական ցուցակը կհրապարակվի օգոստոսի 7-ին՝ գլխավոր ֆավորիտների թվում են Ուսման Դեմբելեն, Լամին Յամալը և Ռաֆինյան։
