«Տոտենհեմի» ֆուտբոլիստները դժգոհություն են հայտնել գլխավոր մարզիչ Անգե Պոստեկողլուի պաշտոնանկության կապակցությամբ: Այս մասին հայտնում է The Telegraph-ը:
Ակումբը Պոստեկողլուի հեռացման մասին պաշտոնապես հայտարարել է հունիսի 6-ին:
Աղբյուրի տվյալներով՝ թիմի մի շարք խաղացողներ ցանկանում են լքել ակումբը ամառային տրանսֆերային պատուհանի ընթացքում:
59-ամյա մասնագետը «Տոտենհեմը» գլխավորում էր 2023 թվականից: Նրա ղեկավարությամբ անցած մրցաշրջանում ակումբը նվաճել է Եվրոպայի լիգայի գավաթը՝ եզրափակչում 1:0 հաշվով հաղթելով «Մանչեսթեր Յունայթեդին»: Սա «Տոտենհեմի» առաջին տիտղոսն էր 2008 թվականից ի վեր:
Անգլիայի Պրեմիեր լիգայում «Տոտենհեմը» մրցաշրջանը ավարտել է 17-րդ հորիզոնականում:
