61-ամյա իսպանացի մարզիչ Էռնեստո Վալվերդեն երկարաձգել է պայմանագիրը Բիլբաոյի «Ատլետիկի» հետ։ Այս մասին հայտնել է ակումբի պաշտոնական կայքը։
Մարզչի նոր պայմանագիրն ակումբի հետ ուժի մեջ է մինչև 2026 թվականի հունիսի 30-ը։ Այսպիսով, Վալվերդեն ակումբի գլխավոր մարզիչի պաշտոնում կանցկացնի 10 տարի։ Նա նախկինում թիմը գլխավորել է 2003-2005 թվականներին և 2013-2017 թվականներին։
«Ֆանտաստիկ մրցաշրջանից հետո ակումբի թիվ մեկ մարզիչը խաղերի քանակով (451) կգլխավորի այն թիմը, որը կվերադառնա Չեմպիոնների լիգա», — ասվում է ակումբի հայտարարության մեջ։
«Ատլետիկը» Իսպանիայի առաջնության մրցաշարային աղյուսակում չորրորդն է։ Թիմը 37 խաղում հավաքել է 70 միավոր և արդեն ապահովել է իր մասնակցությունը Չեմպիոնների լիգային հաջորդ մրցաշրջանում։
