«Մանչեսթեր Յունայթեդի» կիսապաշտպան Բրունու Ֆերնանդեշը խոսել է Եվրոպա լիգայի եզրափակչում իր մրցակցի՝ «Տոտենհեմի» մասին։ Թիմերը կհանդիպեն այսօր՝ մայիսի 21-ին։ Խաղը կսկսվի Երևանի ժամանակով ժամը 23:00-ին։
«Մրցաշրջանը հեշտ չէր երկու թիմերի համար էլ, բայց մենք հնարավորություն ունենք նվաճելու եվրագավաթային տիտղոս։
Եզրափակիչը եզրափակիչ է։ Կարևոր չէ, թե ում հետ ենք խաղում։ Կարևոր չէ՝ մենք թիմին ճանաչում ենք, թե ոչ։ Ոչ մի եզրափակիչ չի կարող համեմատվել առաջնության խաղի հետ, նույնիսկ եթե թիմերը շատ լավ ճանաչում են միմյանց։ Հիշում եմ, թե ինչպես էին «Պորտուն» և «Բրագան» խաղում Եվրոպա լիգայի եզրափակչում 2011 թվականին։ Թիմերը լավ ճանաչում էին միմյանց, բայց խաղի ընթացքում ամեն ինչ այլ կերպ էր թվում։ Եզրափակիչներում թիմերը հաճախ զգույշ են լինում, քանի որ սխալի գինը շատ բարձր է, բայց միևնույն ժամանակ երկու թիմերն էլ ցանկանում են նվաճել գավաթը։ Ահա թե ինչու է եզրափակիչը միշտ էլ հիանալի ներկայացում», — Ֆերնանդեշի խոսքերն է մեջբերում ՈՒԵՖԱ-ի պաշտոնական կայքը։
Այս մրցաշրջանում «Մանչեսթեր Յունայթեդը» երեք անգամ պարտվել է «Տոտենհեմին»՝ Անգլիայի Պրեմիեր լիգայում՝ 0:3 և 0:1 հաշվով, իսկ Անգլիայի լիգայի գավաթի քառորդ եզրափակիչում՝ 3:4 հաշվով։
