Հայաստանի հավաքականի և «Սլովանի» ֆուտբոլիստ Տիգրան Բարսեղյանը, ինչպես ավելի վաղ հայտնել էինք, ճանաչվել է Սլովակիայի առաջնության ընթացիկ մրցաշրջանի լավագույն ֆուտբոլիստ: Նա նաև ընդգրկվել է առաջնության խորհրդանշական հավաքականում:
Բարսեղյանն ու Բրատիսլավան ներկայացնող թիմի ֆուտբոլիստները երկրպագուների հետ տոնել են Սլովակիայի առաջնությունում չեմպիոնությունը:
Բարսեղյանն ավարտվող մրցաշրջանում խփել է 20 գոլ՝ գլխավորելով լավագույն ռմբարկուների ցուցակը։ Նա նաև կատարել է 11 գոլային փոխանցում՝ դառնալով առաջնության լավագույն խաղացողներից մեկը։
Բարսեղյանը «Սլովանի» կազմում դարձել է Սլովակիայի քառակի չեմպիոն։ 2025 թվականի մայիսի 4-ին, «Ժիլինայի» դեմ խաղում, նա ավագի թևկապով մասնակցել է հանդիպմանը, որի արդյունքում «Սլովանը» 4:3 հաշվով հաղթել է և ապահովել առաջնության չեմպիոնությունը:
