«Նապոլիի» գլխավոր մարզիչ Անտոնիո Կոնտեն խոսել է Իտալիայի Ա Սերիայի 2024/2025 մրցաշրջանի 32-րդ տուրի՝ «Էմպոլիի» դեմ խաղում (3:0) իր թիմի հաղթանակի մասին։ Նեապոլցիների կազմում երկու գոլի հեղինակ է դարձել շոտլանդացի Սքոթ ՄաքՏոմինայը, ևս մեկ գոլ հեղինակել է Ռոմելու Լուկակուն:
«Լուկակուն և ՄաքՏոմինեաը տպավորություն գործեցին, բայց այս հաղթանակը բոլորի աշխատանքի արդյունքն է: Դա թիմի հաջողությունն է, որը միշտ արձագանքել է խնդրանքներին և այժմ սկսում է քաղել իր պարտավորվածության պտուղները: Եվ ես ակնկալում եմ, որ այսուհետ ավելի մեծ փորձ և խարիզմա ունեցող խաղացողները կտարբերակվեն և կստանձնեն պատասխանատվությունը: Ռոմելուն, ինչպես և Սքոթը, ինձ կարևոր պատասխաններ տվեցին։ Մենք ինչ-որ գեղեցիկ, գուցե անսպասելի բան ենք անում։ Եվ սա մի փոքր հեգնանքով եմ ասում, բայց դուք պետք է շնորհակալություն հայտնեք, մենք առաջնությունը կենդանի ենք պահում, այլապես մեծ վերնագրերն արդեն ավարտված կլինեին»,- Կոնտեի խոսքերն է մեջբերում Sky Sport Italia-ն։
32 խաղից հետո «Նապոլին» Ա Սերիայի մրցաշարային աղյուսակի երկրորդ տեղում է՝ 68 միավորով։ Իտալիայի առաջնության աղյուսակը գլխավորում է Միլանի «Ինտերը», որը 32 խաղից հետո ունի 71 միավոր։
