Անգլիայի Ֆուտբոլի Ասոցիացիայի (FA) նոր կանոնակարգի համաձայն՝ տրանսգենդեր կանայք կարող են մասնակցել կանանց սիրողական ֆուտբոլային խաղերին, եթե առնվազն մեկ տարի նրանց տեստոստերոնի մակարդակը չի գերազանցել 5 նանոմոլ լիտրում։ Այս մասին տեղեկացնում է The Times-ը։
Սակայն, եթե առաջանան մտահոգություններ անվտանգության կամ մրցակցության արդարության վերաբերյալ, FA-ն կարող է միջամտել։ Այդպիսի դեպքերում հարցը կարող է փոխանցվել FA-ի Տրանսգենդեր և Չեզոք Սեռի Հատկորոշման Հանձնաժողովին՝ վերջնական որոշում կայացնելու համար։
Նոր կանոնները նաև պարտադրում են, որ տրանսգենդեր խաղացողների հորմոնային թերապիայի վերաբերյալ բժշկական փաստաթղթերը ներկայացվեն ամեն տարի, իսկ որոշ դեպքերում՝ ավելի հաճախ՝ FA-ի հայեցողությամբ։
Նշենք, որ ներկայումս Անգլիայում ոչ մի տրանսգենդեր կին չի խաղում պրոֆեսիոնալ կամ բարձր մակարդակի կանանց ֆուտբոլում։
