«Մանչեսթեր Սիթիի» գլխավոր մարզիչ Պեպ Գվարդիոլան խոսել է Կևին Դե Բրույնեի հեռանալու մասին: Այսօր՝ ապրիլի 4-ին, բելգիացին հայտարարեց՝ մրցաշրջանի ավարտից հետո կլքի թիմը։
«Տխուր օր է: Բայց նաև ուրախ օր, քանի որ անձամբ ես մեծ հաճույք եմ ստացել Կևինի հետ շփումներից: Նա մեզ տվել է իր ողջ խոնարհությունը և մեր ընդհանուր հաջողության վրա մեզ ազդեցություն է ունեցել վերջին 10 տարիների ընթացքում: Առանց նրա անհնար կլիներ պատկերացնել:
Երբ Վենսան Կոմպանին, Սերխիո Ագուերոն կամ Դավիդ Սիլվան հեռացան, դրանք նույնպես տխուր օրեր էին։ Մենք դեռ ունենք 10, հուսանք՝ 11 հանդիպում, որոնք կարող ենք վայելել մեր երկրպագուների հետ: Դրանցում Կևինը կստանա իր արժանի սերն ու ճանաչումը։
Միշտ պետք է զգույշ լինել վերջին 10 տարվա խաղացողներին գնահատելիս: Բայց խոստովանենք, որ Դե Բրույնեն մեծագույններից մեկն է, կասկած չկա: Նրա հետևողականությունը, բացառությամբ վերջին տարվա, երբ սկսվեցին վնասվածքները, զարմանալի է»,- Գվարդիոլայի խոսքերն է մեջբերում Sky Sports-ը:
