Հայտնի է՝ որտեղ ցանկանում շարունակել կարիերան Սանեն․ նա նոր տարբերակ ունի

Մյունխենի «Բավարիայի» վինգեր Լերոյ Սանեն ցանկանում է մնալ ակումբում, հայտնում է Sky Sport-ի լրագրող Ֆլորիան Պլետենբերգը։

Ֆուտբոլիստը պատրաստ է ընդունել աշխատավարձի նվազեցում, որպեսզի երկարաձգի պայմանագիրը, որն ավարտվում է ամռանը։

Մյունխենյան ակումբը Սանեին պայմանագիրը երկարաձգելու վերջնական առաջարկ դեռ չի արել։ Սպասվում է, որ ֆուտբոլիստի ապագայի վերաբերյալ որոշում կկայացվի առաջիկա շաբաթների ընթացքում։

Այս ֆոնին Լոնդոնի «Արսենալը» լրջորեն հետաքրքրված է ամռանը Լերոյին ազատ գործակալի կարգավիճակով ձեռք բերելու հարցում և արդեն բանակցություններ է վարել այդ հարցի շուրջ: