Մյունխենի «Բավարիան» ամռանը ձեռք կբերի առնվազն մեկ վինգերի, հայտնում է լրագրող և ինսայդեր Ֆլորիան Պլետենբերգը։
Աղբյուրի փոխանցմամբ՝ ակումբը դիտարկում է մի քանի տարբերակ։ Թեկնածուների թվում են Դորտմունդի «Բորուսիայի» ֆուտբոլիստ Ջեյմի Գիտենսը և Բիլբաոյի «Աթլետիկի» հարձակվող Նիկո Ուիլյամսը:
Արդյոք «Բավարիան» կմիանա մրցավազքին, մեծապես կախված կլինի տրանսֆերների արժեքից, քանի որ «Բայերի» կիսապաշտպան Ֆլորիան Վիրցը շարունակում է մնալ ակումբի գլխավոր նպատակը: Նրա տրանսֆերային արժեքը Transfermarkt-ը գնահատում է 140 միլիոն եվրո։
Հաղորդվում է, որ մյունխենյան ակումբը նաև շարունակում է վերահսկել «Լիոնի» ֆուտբոլիստ Ռայան Շերկիի շուրջ ստեղծված իրավիճակը և հավաքել է բոլոր անհրաժեշտ տեղեկությունները նրա ապագա ծրագրերի մասին դեռևս հունվարին:
