Fastex Պրեմիեր լիգայի շրջանակում «Ալաշկերտի» հետ խաղը «Փյունիկի» համար նշանավորվել է մի քանի կարևոր իրադարձություններով, գրում է ակումբի պաշտոնական կայքը:
Տևական դադարից հետո «Փյունիկի» կազմում, ավագի թևկապով, Fastex Պրեմիեր լիգայում խաղադաշտ վերադարձավ Վարազդատ Հարոյանը:
Մատաս Վարեյկան էլ թիմի կազմում իր նորամուտը նշեց գոլով՝ գրավելով «Ալաշկերտի» դարպասը:
Նռնագույնների կազմում իրենց անդրանիկ խաղերն անցկացրեցին նաև Ժոել Բոպեսուն և Դանիիլ Կուլիկովը:
Վագներ Գոնսալվեշը, երկարատև վնասվածքից հետո, վերջապես նորից դուրս եկավ խաղադաշտ:
Հիշեցնենք՝ «Փյունիկն» այդ խաղում երկու անպատասխան գնդակ է ուղարկել մրցակցի դարպասը:
