«Մանչեսթեր Յունայթեդի» որոշ խաղացողներ վրդովվել են հարձակվող Մարկուս Ռեշֆորդի հայտարարությունից, որը Պրեմիեր լիգայի 16-րդ տուրի՝ «Մանչեսթեր Սիթիի» հետ հանդիպման (1:2) հայտացուցակում չընդգրկվելուց հետո հայտարարել է կարիերայում նոր մարտահրավերի պատրաստակամության մասին։
«Որոշ խաղացողներ շատ դժգոհ են Մարկուսի ասածից և այն փաստից, որ նա որոշել է դա հիմա ասել: «Սիթիի» խաղում հաղթելուց հետո նրանք բոլորն էլ լարված էին, իսկ հետո նա, ըստ էության, տրանսֆերի հայտ ներկայացրեց, թեև փոխարինվել էր միայն մեկ խաղով:
Պոլ Պոգբայի և Ջեսի Լինգարդի նմանների հեռանալուց հետո Ռեշֆորդը թիմում շատ մտերիմ ընկերներ չունի, ուստի նա բավականին լուռ է և առաջնորդի պես չի գործում: Մարկուսից ավելին է սպասվում, բայց կարծես թե դա նրան չի հետաքրքրում, չնայած այն բանին, որ նա արդեն ութ տարի է խաղում է հիմնական թիմում»,- իրավիճակին ծանոթ աղբյուրի խոսքերն է մեջբերում The Sun-ը։
