Երեկ ողջ աշխարհը ցնցված էր «Ֆիորենտինայի» կիսապաշտպան Էդուարդո Բովեի հետ տեղի ունեցած միջադեպից, ով «Ինտերի» դեմ խաղի ժամանակ կորցրել էր գիտակցությունը։ Իսկ այսօր ակումբը լավ նորություն հայտնեց։
Ըստ «Ֆիորենտինայի» պաշտոնական կայքի՝ Բովեն գիտակցության մեջ է, իսկ նրա վիճակը նորմալ է գնահատվում։
Այսօր առավոտյան Բովեն նույնիսկ կարողացել է շփվել իր ընտանիքի, թիմակիցների և թիմի գլխավոր մարզիչ Ռաֆայել Պալադինոյի հետ:
Ընթացիկ մրցաշրջանում բոլոր մրցաշարերում անցկացրած 14 հանդիպումներում Բովեն դարձել է 1 գոլի և 4 գոլային փոխանցման հեղինակ։ 22-ամյա կիսապաշտպանի իրավունքները պատկանում են «Ռոմային», որտեղ նա ուսանող է։
