Ձեր ուշադրությանն ենք ներկայացնում միջազգային մամուլում վերջերս շրջանառվող գլխավոր ֆուտբոլային ինսայդները, տրանսֆերային շշուկները։
✅ «Յուվենտուսը», «Միլանը» և «Լիվերպուլը» հետևում են Մադրիդի «Ռեալի» հարձակվողական ոճի կիսապաշտպան Բրահիմ Դիասի ելույթներին, հայտնում է Fichajes-ը։
✅ Ըստ Marca թերթի՝ «Մալագայի» վինգեր Անտոնիո Կորդերոյին իրենց կազմում են ցանկանում տեսնել կատալոնական «Բարսելոնան» և Մադրիդի «Ռեալը»:
✅ «Լիվերպուլը» հետաքրքրություն է ցուցաբերում «Ռեալ Սոսյեդադի» վինգեր Տակեֆուս Կուբոյի նկատմամբ և միացել է ֆուտբոլիստի տրանսֆերային մրցավազքին։ Ըստ Fichajes-ի՝ «Լիվերպուլը» պատրաստ է ֆուտբոլիստի տրանսֆերի համար վճարել 80 միլիոն եվրո։ Նշվում է, որ «Ռեալ Սոսյեդադը» դժվար թե կարողանա հրաժարվել նման առատաձեռն առաջարկից։ 23-ամյա ֆուտբոլիստի տրանսֆերի համար պայքարում են նաև Լոնդոնի «Տոտենհեմն» ու Մադրիդի «Ատլետիկոն», հայտնում է Japanese Football-ը։
✅ «Մանչեսթեր Սիթին» կարող է ուժեղացնել պաշտպանության աջ եզրը նոր ֆուտբոլիստով. ակումբի հետաքրքրությունների ոլորտում է հայտնվել Ժերեմի Ֆրիմպոնգը Լևերկուզենի «Բայերից», հայտնում է Football Insider-ը:
✅ Մադրիդի «Ռեալը» լրջորեն հետաքրքրված է Լիսաբոնի «Սպորտինգի» շվեդ հարձակվող Վիկտոր Դյոկերեշով, հայտնում է իսպանական El Gol Digital պարբերականը։ Աղբյուրի համաձայն՝ ակումբի ղեկավարությունը ֆուտբոլիստին դիտարկում է որպես թիմի հարձակման երկու առաջատարներից մեկի՝ Վինիսիուս Ժունիորի կամ Կիլիան Մբապեի փոխարինող։ Աղբյուրը հայտնում է նաև, որ Մադրիդի նախագահ Ֆլորենտինո Պերեսն անձամբ ցանկանում է պայմանագիր կնքել Դյոկերեշի հետ՝ անկախ Վինիսիուսի և Մբապեի իրավիճակից և ապագայից։
✅ «Սպորտինգի» վինգեր Ջովանի Կենդան, ում պայմանագրում առկա է 100 մլն եվրոյի կլաուսուլայի կետ, կարող է կարիերան շարունակել «Մանչեսթեր Յունայթեդում», հայտնում է Mail Sport-ը։
✅ «Ֆիորենտինայի» դարպասապահ Դավիդ դե Խեան այս մրցաշրջանում իր խաղով գրավել է մի քանի թոփ ակումբների ուշադրությունը (ակումբների անունները չի նշվում), որոնք ցանկանում են ձեռք բերել ֆուտբոլիստին 2025 թվականի ամռանը, երբ ավարտվի նրա պայմանագիրը իտալական ակումբի հետ, հայտնում է ինսայդեր Նիկոլո Սկիրան
✅ Մադրիդի «Ռեալի» 28-ամյա կիսապաշտպան Դանի Սեբալյոսը ձմռանը կարող է փոխել ակումբը։ Այս մասին հայտնում է Diario AS-ը։ Աղբյուրի փոխանցմամբ՝ ֆուտբոլիստն այս մրցաշրջանում շատ քիչ խաղային պրակտիկա է ստանում, ինչի պատճառով կրկին արդիական է դարձել նրա հնարավոր հեռանալու հարցը։ Ամենայն հավանականությամբ, կիսապաշտպանը կվերադառնա «Բետիս»։
✅ Պաշտոնական․ Կևին Դենկայի տեղափոխությունը «Սերկլ Բրյուգեից» «Ցինցինատի» ռեկորդային տրանսֆեր է MLS-ի համար։ Ամերիկյան ակումբը Տոգոյի հավաքականի 23-ամյա հարձակվողի համար վճարել է 17 մլն եվրո, հայտնում է Ֆաբրիցիո Ռոմանոն։
Շարքի նախորդ նյութերը․
➡️ Հանսի Ֆլիկի նոր տրանսֆերային նպատակը, Լևանդովսկին կարո՞ղ է փոխել ակումբը․ Տրանսֆերային անցուդարձ
➡️ Ռեալի նախկին ֆուտբոլիստը՝ ԱՊԼ-ո՞ւմ, ՄՅՈւ-ն մեծ շոփինգ է նախատեսում․ Տրանսֆերային անցուդարձ
➡️ Բարսայի ֆուտբոլիստները կտեղափոխվե՞ն ԱՊԼ, ՄՅՈՒ-ն կփորձի խառնել Ռեալի ծրագրերը․ Տրանսֆերային անցուդարձ
