Թուրինի «Յուվենտուսի» և Իտալիայի հավաքականի կիսապաշտպան Նիկոլո Ֆաջիոլին խոսել է խաղադրույքներից ունեցած կախվածության մասին: Նախկինում 23-ամյա ֆուտբոլիստը 7 ամսով որակազրկվել էր բուքմեյքերական գրասենյակում խաղադրույք կատարելու համար. այն ավարտվել է 2024 թվականի մայիսին։
«Ես սկսեցի մեծ խաղադրույքներ կատարել, երբ հանդես էի գալիս մինչև 23 տարեկանների թիմում, հենց այդտեղ ես սկսեցի ավելի շատ խաղադրույք կատարել, քան սովորական: Ճիշտն ասած, ես նույնիսկ գումար շահելու համար չէի խաղում։ Դրանք ինձ պետք չէին: Ես խաղում էի այն ադրենալինի համար, որն այն տալիս էր ինձ, և դա ամենամեծ խնդիրն էր:
Վատագույն դեպքում ես 12-13 ժամ էի անցկացնում հեռախոսին կպած, և այդ ժամերը թռչում էին մի քանի ժամվա պես, դուք պարզապես չէիք հասկանում, թե ինչ է կատարվում: Ես զգացի, որ խրվել եմ այս պղպջակի մեջ և դրանից դուրս ոչինչ չեմ նկատում: Մարդիկ ինձ հարցեր էին տալիս, ես պատասխանում էի, բայց մեկ ժամ անց հասկանում էի, որ նույնիսկ չգիտեմ, թե ինչ էին ասում»,- Ֆաջիոլիի խոսքերն է մեջբերում Football Italia-ն։
