Իսպանական Պրիմերայի 12-րդ տուրի «Վալենսիա» — «Ռեալ Մադրիդ» խաղը կարող է հետաձգվել հայտարարված սգո օրերի պատճառով՝ կապված փոթորկի հետևանքների հետ։ Այս մասին հայտնում է Relevo հայտնի առցանց հրատարակությունը։
Աղբյուրի համաձայն՝ Վալենսիա նահանգում այժմ տասնյակ մարդիկ են զոհվել երկրին պատուհասած փոթորկի պատճառով։ Տեղի իշխանությունները սուգ են հայտարարել, և այդ պատճառով «Վալենսիա»-«Ռեալ Մադրիդ» հանդիպումը, որը պետք է կայանա շաբաթ օրը՝ նոյեմբերի 2-ին, կարող է հետաձգվել։
Ավելի վաղ հայտնի դարձավ, որ Իսպանիայի թագավորական ֆուտբոլի ֆեդերացիան փոթորկի հետևանքների պատճառով հետաձգել է Իսպանիայի գավաթի առաջին փուլի երկու խաղերը՝ «Վալենսիա»-«Պարլա Էսկուելա» և «Լևանտե»-«Պոնտեվեդրա»: Այս հանդիպումները պետք է կայանային այսօր՝ հոկտեմբերի 30-ին։
