Մադրիդի «Ռեալը» դիմել է ֆրանսիացի պաշտպան Ռաֆայել Վարանին, որը այսօր՝ սեպտեմբերի 25-ին, հայտարարեց իր կարիերան ավարտելու մասին։
«Ռաֆայել Վարանի հայտարարությունից հետո, որը որոշել է հեռանալ պրոֆեսիոնալ ֆուտբոլից, Մադրիդի «Ռեալը» ցանկանում է իր երախտագիտությունը հայտնել մի խաղացողի, որը արդեն մեր ակումբի լեգենդների ցուցակում է։
Ռաֆայել Վարանը «Ռեալ» ժամանեց 2011 թվականին, ընդամենը 18 տարեկան հասակում, և դարձավ առաջատար խաղացողներից մեկը պատմական ժամանակաշրջանում, որի արդյունքում ակումբը նվաճեց Չեմպիոնների լիգայի չորս գավաթ, որոնցից երեքը անընդմեջ 2014-ից 2018 թվականներին: Այն մրցաշրջաններում, երբ նա կրում էր մեր մարզաշապիկը, նա նվաճեց 18 տիտղոս 360 խաղում՝ չորս Չեմպիոնների լիգա, չորս Աշխարհի ակումբային գավաթ, երեք Եվրոպայի սուպերգավաթ, երեք Լա լիգա, մեկ Կոպա դել Ռեյ և երեք Իսպանիայի սուպերգավաթ:
Ռաֆայել Վարանը հավերժ կմնա բոլոր մադրիդցիների սրտերում՝ որպես Մադրիդի «Ռեալի» պատմության ամենամեծ կենտրոնական պաշտպաններից մեկը։
«Ռեալ Մադրիդը» հաջողություն է մաղթում նրան և նրա ընտանիքին իր կյանքի այս նոր փուլում»,- ասվում է հայտարարության մեջ։
Հիշեցնենք, որ Վարանի վերջին ակումբը եղել է իտալական «Կոմոն»։
