Եվրոպայի առաջնության C դիվիզիոնի 3-րդ տեղի համար խաղում Բասկետբոլի տղամարդկանց Հայաստանի մինչև 16 տարեկանների հավաքականն այսօր մրցեց Ադրբեջանի ընտրանու հետ:
Հայաստանի հավաքականը հաղթեց 71:63 հաշվով։ Հիշեցնենք, որ մրցաշարն անցկացվում է Ալբանիայի մայրաքաղաք Տիրանայում։
Հանդիպման ամենաարդյունավետ խաղացողը Դավիթ Կակոյանն էր: Նա վաստակել է 7 միավոր, 10 անգամ տիրել է օղակից անդրադարձող գնդակին և կատարել 5 արդյունավետ փոխանցում: Իսկ Հայաստանի կազմում ամենաշատ միավորները վաստակել է Ռաֆայել Մասումյանը: Նա հավաքել է 20 միավոր, հայտնում է Հայաստանի Բասկետբոլի ֆեդերացիայի մամուլի ծառայությունը։
Այսօր Հայաստանի բասկետբոլի կանանց Մ16 տարեկանների հավաքականն ավարտեց է իր ելույթները Եվրոպայի առաջնության C դիվիզիոնում:
Կայացած վերջին խաղում Հայաստանի հավաքականը 77:71 հաշվով հաղթել է Վրաստանի հավաքականին՝ առաջնությունում զբաղեցնելով 5-րդ հորիզոնականը:
