«Նորվիչ Սիթիի» նիդերլանդցի դարպասասպահ Տիմ Կրուլն Անգլիայի Գավաթի 1/8 եզրափակչի` «Տոտենհեմի» հետ հանդիպման հետխաղյա 11-մետրանոցի հերոսն է դարձել (1:1, 11մ.`3:2):
Կրուլը հետ է մղել լոնդոնյան ակումբի ֆուտբոլիստներ Տրոյ Պերոտի և Ժեդսոն Ֆերնանդեշի 11-մետրանոցները հուշման թերթիկի միջոցով: Հարվածներից առաջ դարպասապահը վազել է դարպասի մոտ ու շշից ջուր խմել: Ավելի ուշ պարզ է դարձել, որ շշի վրա գրված է եղել, թե «Տոտենհեմի» ֆուտբոլիստները որ կողմ են հարվածելու:
Կրուլը «Նորվիչ Սիթի» է տեղափոխվել 2018 թվականի ամռանը «Բրայթոնից»` ազատ խաղացողի կարգավիճակով: 31-ամյա դարպասապահն ավելի վաղ հանդես է եկել նաև «Նյուքասլում», «Ֆալկիրկում», «Կարլ Յունայթեդում», «Այաքսում» և «ԱԶ Ալկմարում»: Նիդերլանդների հավաքականի կազմում նա 8 հանդիպման է մասնակցել:
