Թուրինի «Յուվենթուսի» պաշտպան Մաթիաս դե Լիխտը պատմել է, որ ամառային տրանսֆերային պատուհանի ընթացքում կարող էր այլ ակումբ տեղափոխվել:
«Այո՛, «Պարի Սեն Ժերմենն» ու «Բարսելոնան» ևս ուզում էին ինձ գնել: Ես դիտարկեցի բոլոր տարբերակներն ու որոշեցի, որ «Յուվենթուսը» լավագույն տարբերակն է, ու այնտեղ ես կարող եմ աճել՝ որպես ֆուտբոլիստ:
Ես հաճախ եմ շփվում Ֆրենկի դե Յոնգի հետ: Հաճելի է, որ երկու տարի առաջ մենք միասին խաղում էինք «Այաքսում», իսկ հիմա մեզնից մեկը խաղում է Ռոնալդուի կողքին, մյուսը՝ Մեսսիի»,-դե Լիխտի խոսքերն է մեջբերում Corriere dello Sport-ը:
Ա սերիայի ընթացիկ խաղարկությունում դե Լիխտը մասնակցել է 19 հանդիպման ու դարձել 2 գոլի հեղինակ:
