Ֆուտբոլի Ավստրալիայի հավաքականը Ասիայի ֆուտբոլի կոնֆեդերացիայի (AFC) գոտում 2022 թվականի Աշխարհի առաջնության ընտրական փուլի չորրորդ տուրում հաղթել է Արաբական Միացյալ Էմիրությունների թիմին։
Քաթարում կայացած հանդիպումն ավարտվել է 2:1 հաշվով։
Ավստրալացիների կազմում գոլերը խփեցին Ջեքսոն Իրվինը և Այդին Խրուստիչը, իսկ Կայո Կանեդոն խփեց Արաբական Միացյալ Էմիրությունների միակ գնդակը։
ԱԱ-2022-ի եզրափակիչ փուլի ուղեգիրն ավստրալացիները վիճարկելու են Պերուի ազգային հավաքականի հետ միջմայրցամաքային փլեյ-օֆֆի խաղում, որը կանցկացվի հունիսի 13-ին Էր Ռայյանում։
