Օգոստոսի 27-ին ՀՖՖ մրցավարական կոմիտեից ստացվել է Vbet Հայաստանի Պրեմիեր լիգայի 4-րդ տուրի «Սևան» — «Արարատ» հանդիպման հետ կապված «Արարատի» բողոքարկման պատասխանը, հայտնում է երևանյան ակումբի պաշտոնական կայքը:
Մրցավարական կոմիտեի անդամները որոշել են հետևյալը.
- 18-րդ րոպիեն կայացվել է սխալ որոշում, քանի որ «Արարատ» թիմի խաղացողը գոլ էր խփել պաշտպանվող թիմի խաղացողի կողմից միտումնավոր գնդակ խաղալուց հետո:
- Խաղի 39-րդ րոպիեն իրոք «Սևան» թիմի խաղացողը խախտում է կատարում, սակայն հաշվի առնելով խաղացողների դիրքերը, դա ակնհայտ գոլ խփելու հնարավորությունից զրկում չէր։ Մրցավարը պետք է նշանակեր տուգանային հարված «Արարատ» թիմի օգտին և կոպիտ խաղի համար դեղին քարտ ցույց տար «Սևան» թիմի պաշտպանին։
Այսպիսով, ՀՖՖ մրցավարական կոմիտեն վիճարկումը բավարարել է միայն առաջին կետով։
Երկրորդ կետի հետ կապված ՀՖՖ մրցավարական կոմիտեի՝ բողոքը չբավարարելու որոշումը տարակուսանք է առաջացնում քանի որ առաջին հերթին վիճարկվում էր մրցավարի թույլ տված ակնհայտ սխալն, այլ ոչ թե դրա հնարավոր հետևանքներն ու պատժի խստությունը։
Այսպիսով, մրցավարական կոմիտեն ընդունել է, որ խաղի ելքի վրա ազդեցություն ունեցող սխալ որոշում է կայացվել, սակայն պատասխանում առկա չէ տեղեկություն այն մասին, թե ինչպիսին են որոշման հետևանքները:
