Հայաստանի ազգային հավաքականի նախկին ֆուտբոլիստ, Հայաստանի Մ19 հավաքականի նախկին գլխավոր մարզիչ Արթուր Ոսկանյանը, որը երեկ անդրադարձել էր Հայաստանի ազգային հավաքականի և «Ռոմայի» կիսապաշտպան Հենրիխ Մխիթարյանի շուրջ ստեղծված իրավիճակին, այսօր ևս մեկ գրառում է արել ֆեսյբուքում՝ ընդգծելով ,որ իր գրառումը տարբեր մարդկանց մոտ տարբեր երանգներ է ստացել, անգամ՝ քաղաքական։
Ոսկանյանը մասնավորապես գրել էր՝ «Մենք Հայ ենք։ Մենք այդպես էլ մեր ամբողջ գոյության ընթացքում չկարողացանք ճիշտ գնահատել մեր հզորներին»։
Ոսկանյանի խոսքով, իր գրառմանը քաղաքական երանգներ տալը պարզապես ծիծաղելի է․
«Ֆուտբոլը պետք չէ քաղաքականացնել, առավել ևս բաժանել նախկինների ու ներկանների, սևերի ու սպիտակների։ Ֆուտբոլը դա ամբողջ ազգինն է ու բոլորս էլ ուզում ենք, որ մեր Հավաքականը հաղթի։
Երեկ, տեղեկանալով հավաքականի կազմին ու չգտնելով Հենրիխի անունը հրավիրվածների մեջ, մի պահ ինձ պատկերացրեցի Հենրիխի փոխարեն, թե ինձ ինչպես կզգայի, երբ, լինելով լավ մարզավիճակում, չհրավիրվեի հավաքական անհիմն պատճառաբանությամբ։ Հավատացեք շատ վատ, որը չեմ ցանկանա որ ոչ մի ֆուտբոլիստ իր վրա զգա դա։ Առավել ևս Հենրիխը, ով հանդիսանում է մեր ֆուտբոլի դեսպանը ամբողջ աշխարհում, ով օրինակ և կուռք է մեր պատանի ֆուտբոլիստների համար։ Ամեն երիտասարդ, հրավիրվելով հավաքական, մարզվելով և խաղալով Հենրիխի կողքին, շատ բան կարող է սովորոել նրանից, ինչպես ժամանակին ես եմ շատ բան սովորոել իմ ավագ խաղընկերներից․ Վարդան Խաչատրյան, Հարություն Վարդանյան, Արթուր Պետրոսյան,Երվանդ Սուքիասյան․․․․․․
Վստահ եմ ու պատասխանատու բոլոր հայ ֆուտբոլիստների փոխարեն ու կարող եմ ասել, որ մեր հավաքականում խաղացող կամ խաղացած ցանկացած ֆուտբոլիստի համար մեծ պատիվ և սրբություն է Մեր Հավաքականը և հավաքականի կազմում խաղալը։ Ու բոլորս էլ ցանկանում ենք, որպեսզի Մեր Հավաքականը միշտ հաղթի, անկախ խաղը պաշտոնական է, թե ընկերական։
Հավաքականի համար չկան անցումային կամ ոչ կարևոր խաղեր, բացառություն չեն մոտակա հանդիպումները։ Իհարկե մենք բոլորս էլ հարգում ենք Մեր Հավաքանի մարզչին և իհարկե նա պետք է որոշի, թե ում և երբ հրավիրի հավաքական, որովհոտև վերջիվերջո ինքն է առաջին պատասխանատուն։ Նույնը երեկ իմ հետ զրույցի ժամանակ ասեց Հենրիխը։
Հաղթանակ և հաջողություն մաղթենք մեր հավաքականին և տղաներին․․․․․․
Ամեն ինչ անցողիկ է․
Անուն, Պատիվ, Հարգանքը մնայուն․․․
Կարողանանք հարգել ժամանակին
այ սրան էր վերաբերում երեկվա գրառումս»,- գրել է Արթուր Ոսկանյանը։
