Հարձակվող Մարիո Մանջուկիչը հաստատել է, որ չի երկարաձգի պայմանագիրը «Միլանի» հետ:
«Ինձ համար հաճելի էր խաղալ «Միլանում»: Ես շնորհակալ եմ ակումբի ղեկավարությանը այս հնարավորության համար, մարզչական շտաբին՝ նվիրված աշխատանքի համար և իմ խաղընկերներին, որոնք ոչ միայն հիանալի խաղացողներ են, այլ նաև պարզապես հիանալի տղաներ:
Ուրախ եմ, որ մեզ հաջողվեց այս հիանալի ակումբին վերադարձնել Չեմպիոնների լիգա, որին նա պատկանում է: Ակումբում բոլորին մաղթում եմ ամենայն բարիք ապագայի համար», — գրել է Մանջուկիչը instagram-ում:
35-ամյա խորվաթը «Միլան» է տեղափոխվել 2021 թվականի հունվարին և 11 հանդիպում է անցկացրել թիմի կազմում:
