«Չելսիի» պաշտպան Անտոնիո Ռյուդիգերը խոսել է թիմի ներկայիս վիճակի մասին։
«Տիտղոսներն այս ակումբի ԴՆԹ-ի մեջ են։ Մեզնից միշտ ուզում են, որ հաղթենք։ Մենք առաջվա պես Անգլիայի Գավաթում ենք, առաջվա պես Չեմպիոնների լիգայում ենք, ու երբեք չի կարելի նախապես ասել, թե ինչ կլինի առաջնությունում։ Բայց ես չեմ ուզում սկսել ինչ-որ բանի մասին երազել, պետք է իրատես լինել։ Մենք հաջող ենք ընթանում, ու առաջնությունում մեր հաջորդ նպատակը լավագույն քառյակում ամրապնդվելն է։ Եթե հրաշք գործենք, ուրեմն այդպես էր պետք, բայց հիմա եկեք մնանք իրականության մեջ»,- Ռյուդիգերի խոսքերն է փոխանցում Sky Sports-ը։
«Չելսին» 39 միավորով ԱՊԼ մրցաշարային աղյուսակի 5-րդ տեղում է։
