«Բավարիայի» տնօրենների խորհրդի նախագահ Կառլ-Հայնց Ռումենիգեն նշել է, որ 2019/20 մրցաշրջանը պետք է ավարտին հասցնել:
Ավելի վաղ հաղորդվում էր, որ Բունդեսլիգան դիտարկում է արդեն մայիսին առաջնությունը վերսկսելու տարբերակը. խաղերը կարող են անցկացվել առանց հանդիսականների, սակայն լրագրողների մուտքը մարզադաշտեր կթույլատրվի.
«3 օր առաջ «Բավարիան» սկսել է մարզումները՝ այդուհանդերձ պահպանելով բոլոր կանոնները: Տարբերակներից մեկն առաջնությունը մայիսի 9-ին վերսկսելն է:
Մենք խաղերը պետք է վերսկսենք երկու պատճառով՝ տնտեսական և մարզական: Պետք է որոշել չեմպիոնին, խաղարկել եվրագավաթային տեղերը և այլն: Բացի դա, ակումբները շատ են կախված հեռարձակման իրավունքների վաճառքից ստացվող ֆինանսներից: Մենք սպասում ենք, որ Գերմանիայի իշխանությունները թույլ տան վերսկսել առաջնությունը»,- ասել է Ռումենիգեն Corriere dello Sport-ի հետ զրույցում:
