«Ռոմայի» գլխավոր մարզիչ Պաուլո Ֆոնսեկան Sky Sport Italia- ին տված հարցազրույցում մեկնաբանել է հռոմեացիների հաղթանակը ՍՊԱԼ-ի նկատմամբ Սերիա Ա-ի 16-րդ տուրի խաղում:
«Կարծում եմ, որ մենք ցուցադրեցինք լավ առաջին խաղակես, չնայած այն բանին, որ շատ պահեր փչացրեցինք: Խաղացինք ինտենսիվ, լավ տեմպով: Երկրորդ խաղակեսում թիմը ստեղծեց ավելի շատ պահեր և, ի վերջո, հաղթանակ տարավ: Իմ կարծիքով, բոլոր տղաները ճիշտ էին տրամադրվել խաղին: Դա թիմային ոգին է, որը պետք է միշտ լինի մեզ հետ»,- ասել է Ֆոնսեկան: