Յուվենտուսը ցանկանում է երկարաձգել պայմանագիրը թիմի առաջատարներից մեկի հետ

«Յուվենտուսի» ղեկավարները ցանկանում են երկարաձգել վինգեր Ֆեդերիկո Կիեզայի հետ աշխատանքային պայմանագիրը։

Այս մասին հայտնում է TuttoJuve-ն։

Կիեզայի գործող պայմանագիրը թիմի հետ նախատեսված է մինչև 2025 թվականի ամառը։ Թուրինյան ակումբը ցանկանում է Իտալիայի հավաքականի ֆուտբոլիստին երկարաժամկետ պայմանագիր առաջարկել։

Ա Սերիայի այս մրցաշրջանում Կիեզան խաղադաշտ է դուրս եկել 6 խաղում և չորս գոլ խփել։