«Յուվենտուսը» դժվար ժամանակներ է ապրում, սակայն նոյեմբերյան արդյունքները Մասիմիլիանո Ալեգրիին թույլ տվեցին ամսվա վերջին ստանալ Ա Սերիայի լավագույն մարզչի մրցանակը։ Այս մասին հայտնում է լիգայի մամուլի ծառայությունը։
Նոյեմբերին թուրինյան ակումբը երեք հանդիպում անցկացրեց Իտալիայի առաջնությունում և հաղթեց յուրաքանչյուրում։ Մասիմիլիանո Ալեգրիի թիմը հաղթել է «Ինտերին» (2:0), «Վերոնային» (1:0) և «Լացիոյին» (3:0):
Տասնհինգերորդ տուրից հետո «Յուվենտուսը» զբաղեցնում է իտալական Ա Սերիայի մրցաշարային աղյուսակի երրորդ տեղը։ Մասիմիլիանո Ալեգրիի թիմը առաջատար «Նապոլիից» հետ է մնում տասը միավորով։
Ա Սերիայի հաջորդ հանդիպումները կկայանան 2023 թվականի սկզբին։
