«Արարատ-Արմենիա» ֆուտբոլային ակումբը պատասխանել է «Ժողովուրդ» օրաթերթի հարցմանը՝ հերքելով ակումբի գործունեության դադարեցման և Սամվել Կարապետյանին չպաշտպանելու մասին պնդումները։
Ակումբը ընդգծել է, որ հրապարակումը արվել է առանց պաշտոնական պատասխանի՝ իրականությունը խեղաթյուրող և արհեստական աղմուկ ստեղծող ձևով։ Ակումբի գլխավոր տնօրեն Պողոս Գալստյանը, ըստ հայտարարության, միշտ սատարել է Սամվել Կարապետյանին և շարունակում է լինել նրա կողքին։
«Արարատ-Արմենիան» հայտնել է, որ պատրաստվում է նոր մրցաշրջանին և եվրագավաթային խաղերին, իսկ հունիսի 19-ին տեղի է ունեցել աշխատակազմի հանդիպում նոր մարզչական շտաբի հետ։
Ակումբը հորդորել է հետագայում հարցումները ուղարկել իրենց մամուլի ծառայությանը։
