«Ինտերը» չկարողացավ հաղթել Մեքսիկայի «Մոնտերեյին» աշխարհի ակումբային առաջնության խմբային փուլի խաղում, որը տեղի ունեցավ ԱՄՆ-ում։
E խմբի հանդիպումն անցկացվեց Կալիֆորնիայի Պասադենա քաղաքում և ավարտվեց 1:1 հաշվով։ 39-ամյա աշխարհի չեմպիոն Սերխիո Ռամոսը առաջ մղեց «Մոնտերեյին», սակայն Լաուտարո Մարտինեսի գոլի շնորհիվ «Ինտերը» վերականգնեց հաշվի հավասարությունը։
Սա «Ներաձուրիների» նոր գլխավոր մարզիչ Կրիստիան Կիվուի առաջին հանդիպումն էր «Ինտերի» գլխավորությամբ։ Ռումինացի մասնագետը փոխարինել է Սիմոնե Ինձագիին, որը տեղափոխվել է Սաուդյան Արաբիայի «Ալ-Հիլալ»։
«Ինտերն» ու «Մոնտերեյը» E խմբում կիսում են երկրորդ և երրորդ տեղերը առաջին տուրից հետո։ Խմբի առաջատարն է Արգենտինայի «Ռիվեր Փլեյթը», որը 3:1 հաշվով հաղթել է ճապոնական «Ուրավա Ռեդ Դայմոնդսին»։
«Ներաձուրիների» կազմում հանդիպմանը մասնակցեց նաև հայ կիսապաշտպան Հենրիխ Մխիթարյանը, որը խաղադաշտ դուրս եկավ մեկնարկային րոպեներից և փոխարինվեց 78-րդ րոպեին։
