«Բարսելոնան» կրկին հետաքրքրություն է ցուցաբերում Բիլբաոյի «Ատլետիկի» վինգեր Նիկո Ուիլյամսի նկատմամբ՝ գիտակցելով, որ եթե նա տեղափոխվի եվրոպական այլ խոշոր ակումբ, հնարավոր է՝ այլևս չկարողանան ձեռք բերել նրան։ Չնայած նախորդ տարի բաց թողնված հնարավորությանը, «Բարսելոնան» շարունակում է հետևել նրան և վերջերս վերսկսել է բանակցությունները։
Նրա պայմանագրում նշված արժեքը՝ մոտ 64 միլիոն եվրո, համեմատաբար մատչելի է՝ ի տարբերություն, օրինակ, «Լիվերպուլի» խաղացող Լուիս Դիասի, ում համար ակումբը դժվար թե զիջումների գնա։ Բացի այդ, Նիկոն ավելի երիտասարդ է և կարող է դառնալ երկարաժամկետ ներդրում, հատկապես, եթե «Բարսելոնան» որոշի վաճառել Ռաֆինյային։
Այնուամենայնիվ, խոչընդոտները բազմաթիվ են։ «Արսենալը» և «Բավարիան» ամիսներ շարունակ աշխատում են Նիկոյի տրանսֆերի վրա, ընդ որում՝ Մյունխենում պատրաստ են նրան առաջարկել տարեկան 10 միլիոն եվրո աշխատավարձ։ Բացի այդ, «Բարսելոնայի» և «Ատլետիկ Բիլբաոյի» միջև հարաբերությունները լարված են, իսկ կատալոնական ակումբի ֆինանսական վիճակը մնում է անորոշ։
Չնայած դժվարություններին, որոշ աղբյուրներ պնդում են, որ Նիկոն ավելի մոտ է «Բարսելոնային»։ Նշվում է, որ մարզիչ Հանսի Ֆլիկը խոսել է նրա հետ։ Բացի այդ, Նիկոյի մտերիմ ընկերությունը Լամին Յամալի հետ կարող է ազդել նրա որոշման վրա։
Վերջնական որոշումը դեռ առջևում է։ Միայն Նիկոյի ընտրությունից հետո կպարզվի՝ նրա և «Բարսելոնայի» պատմությունը իրականությո՞ւն է, թե՞ ընդամենը հորինվածք։
Աղբյուրը՝ AS
