Մադրիդի «Ռեալի» նախկին կիսապաշտպան Գուտին կանխատեսել է աշխարհի ակումբային առաջնության եզրափակիչի մասնակիցներին։
««Ռեալի» մրցաշրջանը միշտ գնահատվում է Լա Լիգայում և Չեմպիոնների լիգայում տարած հաղթանակներով։ Սակայն այս մրցաշարն իսկապես յուրահատուկ է, քանի որ անցկացվում է նոր ձևաչափով։
Բոլոր ակումբները ցանկանում են դառնալ այս ձևափոխված մրցաշարի առաջին հաղթողը։ Խաբի Ալոնսոյի ժամանումը և նոր խաղացողների ներգրավումը, իմ կարծիքով, թիմին առավելություն են տալիս։ Ես տեսնում եմ ՊՍԺ-«Ռեալ» եզրափակիչ», — ասել է «սերուցքայինների» նախկին խաղացողը։
Հիշեցնենք, որ 32 ակումբների մասնակցությամբ մրցաշարն ընթացիկ ձևաչափով կմեկնարկի հունիսի 14-ին Միացյալ Նահանգներում։
