«Բարսելոնայի» նախկին կիսապաշտպան, ներկայում «Ինտեր Մայամիի» գլխավոր մարզիչ Խավիեր Մասկերանոն խոսել է Խաբի Ալոնսոյի՝ Մադրիդի «Ռեալը» գլխավորելու մասին։
«Խաբին լավ մարդ է և հիանալի աշխատանք է կատարել Լևերկուզենի «Բայերում»։ Բայց ես չեմ կարող նրան հաջողություն մաղթել, քանի որ նա այժմ «Ռեալում» է», — Մասկերանոյի խոսքերն է մեջբերում լրագրող Բեն Ջեյքոբսը։
Հիշեցնենք, որ երկու մարզիչներն էլ ժամանակին հանդես են եկել անգլիական «Լիվերպուլի» կազմում։
